Жерлесіміз авиациялық қауіпсіздік жөніндегі ИКАО арнайы тобының вице-төрағасы болды
Сурет: Telegram/caa_kaz
Азаматтық авиация комитетінің мәлімдеуінше, кеңестің бірінші күні авиациялық қауіпсіздік жөніндегі арнайы топтың жаңа төрағасы мен оның орынбасарлары – ENAVSECG/10 сайлауы өтті. Дауыс беруге Париждегі ИКАО Еуропалық/Солтүстік Атлантикалық бюросына (EUR/NAT) мүше мемлекеттер қатысты.
Дауыс беру нәтижелері бойынша авиациялық қауіпсіздік жөніндегі арнайы топтың – ENAVSECG/10 вице-төрағаларының бірі болып Қазақстан Республикасынан кандидат, "Қазақстанның авиациялық әкімшілігі" АҚ бас директорының орынбасары Еспотанов Дархан Инкарбекұлы сайланды. Төраға болып Франциядан кандидат, екінші вице-төраға болып Латвиядан кандидат сайланды. Азаматтық авиация комитетінің баспасөз қызметі
Комитет өкілдерінің сөзінше, бұл лауазымға біздің мемлекетіміздің өкілін сайлау Қазақстанның халықаралық аренадағы мәртебесін арттыруға ықпал етеді және Орталық Азия өңірінде көшбасшы ретінде авиациялық қауіпсіздік саласындағы позицияны нығайтады.
Төрағаның және вице-төрағалардың негізгі функциялары авиациялық қауіпсіздік жөніндегі арнайы топтың жыл сайынғы кеңесін ұйымдастыру, авиациялық қауіпсіздік мәселелері бойынша өңір елдері арасындағы үйлестіру мен өзара іс-қимыл тобының алаңында қамтамасыз ету, ИКАО-ның 17-ші қосымшасының стандарттары мен ұсынылатын практикасын жаңарту жөніндегі ұсынысты қарау және мақұлдау, авиациялық қауіпсіздікті дамытуға бағытталған есептерді жасау және жаңа бастамаларды әзірлеу, сондай-ақ авиациялық қауіпсіздік бойынша басқа мәселелер.
Халықаралық азаматтық авиация ұйымы (ИКАО деген сөз ағылшынша ICAO — International Civil Aviation Organization) – қауіпсіздік пен тиімділікті арттыру мақсатында азаматтық авиацияның халықаралық стандарттарын белгілейтін және оның дамуын үйлестіретін Біріккен Ұлттар Ұйымының мамандандырылған мекемесі.
