Францияда контрацептивтер 26 жасқа толмаған тұрғындар үшін тегін болады

Контраце́пция, сурет - Zakon.kz жаңалық 03.01.2023 12:37

Сурет: pixabay

Енді Францияның дәріханаларында 26 жасқа дейінгі жастарға презервативтер тегін беріледі, деп хабарлайды Zakon.kz.

Франция президенті Эммануэль Макрон мұны "профилактикалық денсаулық сақтаудағы шағын революция" деп атады.

Франциядағы жастар арасында жыныстық жолмен берілетін аурулардың (ЖЖБИ) таралуын тоқтатуға бағытталған денсаулық сақтаудың жаңа стратегиясы 1 қаңтарда күшіне енді және оны Макрон желтоқсанда жариялады.

Бастапқыда ол 18-25 жас аралығындағы адамдарға бағытталса, кейін кәмелетке толмағандарға қатысты болды. Жедел контрацепция да 1 қаңтардан бастап барлық әйелге рецептсіз тегін қолжетімді болады.

Денсаулық сақтау басқармасы Францияда жыныстық жолмен берілетін аурулардың жиілігі 2020 және 2021 жылдары шамамен 30%-ға өскенін анықтады. Мұндай шаралар осы деректерден соң қолға алынды.

Бұған дейін Францияда Энергетика министрлігінің ғимараты жылудан ажыратылған еді.

Оқи отырыңыз