CІМ Энтони Блинкеннің Қазақстанға сапары туралы айтты

CІМ Энтони Блинкеннің Қазақстанға сапары туралы толығырақ мәлімдеді, сурет - Zakon.kz жаңалық 27.02.2023 16:52

Сурет: Twitter/SecBlinken

Сыртқы істер министрлігінің ресми өкілі Айбек Смадияров АҚШ мемлекеттік хатшысы Энтони Джон Блинкеннің Қазақстанға алғашқы ресми сапары кезінде қандай кездесулер жоспарланғанын айтты, деп хабарлайды Zakon.kz.

Бұған дейін АҚШ Мемлекеттік хатшысы Астанада Қазақстан президенті Қасым-Жомарт Тоқаевпен кездесіп, ҚР Сыртқы істер министрі Мұхтар Тілеубердімен келіссөздер жүргізетіні хабарланған еді.

"Ертең Астанада Блинкеннің қатысуымен Орталық Азия елдері мен АҚШ-тың сыртқы істер ведомстволары басшыларының 5С+1 форматындағы министрлік кездесуі өтеді. Бүгінде оған барлық шетелдік Орталық Азия елдерінің министрлері қатысатыны расталды. С5+1 министрлер кездесуінде АҚШ-тың Орталық Азия елдерімен энергетика және экология экономикасы, сонымен қатар терроризмге қарсы күрес саласындағы ынтымақтастықты одан әрі дамыту мәселелерін талқылау жоспарланып отыр", - деді Айбек Смадияров.

СІМ-нің мәліметінше, бүгінде c5+1 тетігі өзін Орталық Азияның жан-жақты дамуын қамтамасыз етуде аймақтық ынтымақтастыққа жәрдемдесетін тиімді дипломатиялық платформа ретінде көрсетіп келеді.

27 ақпан күні АҚШ-тың мемлекеттік хатшысы Энтони Джон Блинкен Қазақстанға сапары алдында әуежайда түскен фотосын жариялады. Ол сапары туралы Twitter-дегі парақшасына жазды. Фотоның астына ол бүгін (27 ақпан) Қазақстан, Өзбекстан және Үндістанға сапарға аттанатынын атап өтті. Бұл - оның мемлекеттік хатшы ретінде Қазақстанға жасаған алғашқы сапары.

Оқи отырыңыз