БҰҰ-ның Адам құқықтары жөніндегі жоғары комиссары Фолькер Тюрк Қазақстанға келеді

16-17 наурыз аралығында Біріккен ұлттар ұйымының Адам құқықтары жөніндегі жоғары комиссары Фолькер Тюрктың Астанаға жұмыс сапары өтеді, деп хабарлайды Zakon.kz.

Фолькер Тюрктың мемлекет және Сыртқы істер министрлігінің басшылығымен, сонымен қатар Адам құқықтары жөніндегі уәкілімен кездесулері жоспарланған.

"Сонымен қатар Жоғары комиссар биыл атап өтілетін Адам құқықтары жөніндегі дүниежүзілік декларацияның 75 жылдығына және Іс-қимыл жоспары бойынша Вена декларациясының 30 жылдығына арналған Қазақ мемлекеттік заң университетінде дәріс өткізеді", - деді СІМ өкілі Айбек Смадияров.

17 наурызда БҰҰ-ның ғимаратында сапардың нәтижелері бойынша қорытынды баспасөз брифингі өтеді.