Канадада миллион гектардай аумақ өртенді

Канаданың Альберта провинциясында қаулаған орман өртін бақылауға алу мүмкін болмай жатыр.

Тілсіз жау 1 миллион гектардан астам аумақты шарпыған. Жалпы өңірде 500-ден аса өрт ошағы тіркеліп отыр.

Соңғы тәулікте жауын жауып, күн біршама суытқан соң, өрт сөндірушілердің жұмысы сәл де болса жеңілдеді, деп жазады qazaqstan.tv.

Жалынмен күреске 2800-дей маман тартылған.

Жаңа Зеландия мен Австралияның өрт сөндірушілері де оларға көмекке келмек.