АҚШ-тың әскери-теңіз күштері жоғалған субмарина жарылып кеткен болуы мүмкін деген болжам жасады

Атлант мұхиты, батискаф, Титан, Титаник, сурет - Zakon.kz жаңалық 23.06.2023 12:42

Сурет: Oceangate

АҚШ-тың әскери-теңіз күштері "Титан" сүңгуір қайығында жарылысқа себеп болуы мүмкін ауытқуды анықтағанын мәлімдеді, деп хабарлайды Zakon.kz.

Әскери-теңіз күштері "Титанмен" байланыс үзілгені туралы хабарлағаннан кейін акустикалық мәліметтерге талдау жасады, деп жазды The Guardian.

АҚШ әскери-теңіз күштерінің хабарлауынша, ауытқу "байланыс үзілген кезде "Титан" сүңгуір аппараты жұмыс істеп тұрған учаскеге жақын маңдағы имплозияға немесе жарылысқа" сәйкес келді.

Әскери-теңіз күштері бұл ақпаратты жағалау күзетіне берді, олар бірақ іздеу жұмысын тоқтатқан жоқ. Өйткені Әскери-теңіз күштері мұны кесімді дерек деп санамайды.

Деректер сүңгуір қайықтарды бақылауға арналған су астындағы сенсорлардың құпия желісінен алынды.

Бейсенбіде жоғалған су асты кемесін бірнеше күн іздегеннен кейін АҚШ-тың жағалау күзеті "Титан" бортындағы экипаж мүшелері "Титаниктің" қирандыларына қарай түсіп бара жатқан кезде "апатты жарылыстан" бірден қаза болуы мүмкін екенін хабарлады.

Сол күні қашықтан басқарылатын аппарат (ROV) "Титаниктің" тұмсығынан шамамен 488 метр жерден кеменің көптеген бөлшектерін қамтитын үлкен қоқыс алаңын тапты.

Қирандылар алаңынан 6,7 метрлік "Титанның" бес ірі фрагменті табылды, оның арасында қайықтың артқы конусы қысымды конустың екі секциясы бар.

Сүңгуір қайықтың бортында 58 жастағы британдық авантюрист Хэмиш Хардинг; "Титаникті" зерттеуші-ардегер, 77 жастағы Пол-Анри Наржоле; 48 жастағы британдық-пәкістандық кәсіпкер Шахзада Дауд пен оның 19 жастағы ұлы Сүлеймен; OceanGate компаниясының негізін қалаушылардың бірі, 61 жастағы америкалық Стоктон Раш болған. Сүңгуір қайықты сол басқарған.

2018 жылы сала мамандары мен компания қызметкері OceanGate-ті сертификаттайтын түрі жоқ екенін және оның тәжірибелік кеме ретінде жұмыс істеп келе жатқанын айтып, сынға алды.

2019 жылы OceanGate сертификаттау процесі дамуды бәсеңдетіп, инновацияға тежеу болуы мүмкін екенін мәлімдеді.

Оқи отырыңыз