Жаңалықтар тізбегі
0

Сальвадорда Барбидің суреті бар табыттар сатыла бастады

Барби қуыршағы Сурет: AP Photo/Salvador Melendez
Сальвадордағы жерлеу қызметі бюросы тұтынушыларға Барбидің суреті бар қызғылт табыттар ұсына бастады, деп хабарлайды Zakon.kz.

Қызғылт металл түсті табыттар Гватемала шекарасына жақын Ауачапан қаласындағы "Альфа және Омега" жерлеу бюросында сатылымға қойылды, деп жазады ABC News.

Жерлеу қызметінің қожайыны Исаак Вильегас Барби фильмінің шілде айындағы премьерасына дейін қызғылт табыттарды сатылымға шығаруға ұсынғанын айтты. Бірақ Латын Америкасын дүр сілкіндірген дүрбелеңнен соң қуыршақтың суретімен тек табыттардың қақпағының асты безендіруге тура келген. Табытта кішкентай ақ жұлдыздар да бар. 

"Мен бұл үрдісті ұстанып, біз одан тысқары қалмауымыз керектігін айттым", – деді Вильегас. Оның айтуынша, бұл сәтті таңдау болған. 

Сондай-ақ жерлеу қызметінің қожайыны Барби табыттары айналасында жарнамалық науқан ұйымдастырып, соның аясында 10 данасы сатылып кеткенін айтады.

Вильегас бір жыл бұрын адамдар қоңыр, қара, ақ немесе сұр түстер сияқты дәстүрлі табыттарды таңдағанын жеткізді. Бірақ одан кейін жағдай өзгерген. Бір отбасы марқұм туысы "бақыттың құшағында" болуы үшін адамды бақытқа бөлейтін түсті таңдағысы келетінін айтқан. Осылайша қызғылт түс трендке енген.

"Бізде қызғылт түстегі табыттар көбірек, өйткені оған сұраныс жоғары", - деді ол.

Латын Америкасы Барби қызығына еліткеніне бірақ болған. Мұнда қызғылт түсті тако мен кондитерлік өнімдерді сатып алуға болады. Сондай-ақ Барбидің логотипі бар коммерциялық ұшақтар, саяси жарнамалар және тіпті Барби тақырыбындағы наразылық акциялары да төбе көрсетіп үлгерген. 

Шілде айында үкіметке қарсы демонстранттар кезінде қызғылт киімдегі екі әйел Барби қораптарына "салынып", Президент Дина Болуартқа наразылық білдіру үшін Перу астанасы Лиманың басты алаңына қойылды. 

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: