Ыстықкөл 10 жыл ішінде айтарлықтай тартылған
Сурет: pixabay
Қырғызстанның Табиғи ресурстар министрлігі Ыстықкөлдегі су деңгейін көтерудің жолын айтты. Ол үшін суды үнемдейтін технологиялар енгізу керек, деп хабарлайды Zakon.kz.
Ыстықкөлдегі су 10 жылда жағадан бір метрге жуық тартылды. Бұл жөнінде Табиғи ресурстар, экология және техникалық қадағалау министрлігінің Су және жер ресурстары департаментінің басшысы Таалай Далбаев мәлімдеді, деп жазды Sputnik Қырғызстан.
"2011-2021 жылдар аралығында су жағалаудан 95 сантиметрге тартылды. Себеп ыстық климатқа байланысты көлге құятын шағын өзендер санының азаюы. Қырғызстанның түкпір-түкпірінен құрғаған шағын өзендерді көруге болады. Ал биыл, жалпы жаз бойы жауын-шашын болған жоқ. Ыстықкөл облысында 156 өзен бар, бірақ көлге тек 30-ы ғана құяды". Таалай Далбаев
Бұл мәселені шешу үшін ол суды үнемдейтін технологиялар енгізіп, суды аз тұтынатын дақылдар егіп, тамшылатып суару әдісіне көшу керек екенін айтты.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
