Палестиналыққа тұрмысқа шыққандар: Газа секторында қанша қазақстандық бар
Сурет: pixabay
Бұл туралы ол ҚР Сыртқы істер министрлігінде өткен баспасөз мәслихатында мәлімдеді.
"Қазақстанның Иорданиядағы елшілігінің қолжетімді ақпараты бойынша, Газа секторында 25-ке жуық отбасында Қазақстанның төлқұжатымен азаматтар анықталған. Олар – негізінен Палестина азаматтарымен некеге тұрған біздің азаматтар, әйелдер. Олар операцияларға, сонымен қатар жалғасып жатқан бомбаларға байланысты қауіпсіз жер іздеп Газа секторында орын ауыстырып жүр. Жер астындағы қозғалыс қиын, байланыс пен электр қуатына қатысты мәселелер бар".Айбек Смадияров
Қазір Сыртқы істер министрлігі қосымша ақпаратты анықтап жатыр.
Сонымен қатар ол бүгінде Қазақстанның Израильдегі елшілігінің консулдық есебінде 77 адам бар екенін, оған елшілік қызметкерлері мен олардың отбасы мүшелері де кіретінін айтты. Қазақстаннан 5 студент Израиль университеттерінде білім алып жатыр, ал 30-ға жуық қазақстандық Израильдің түрлі медицина мекемелерінде – барлығы 112 адам тағылымдамадан өтіп жатыр.
Израиль мен Палестина арасындағы қақтығыс 7 қазан күні таңертең шиеленісті. ХАМАС Израиль аумағына мыңдаған зымыран атқылаған. Израиль бұған жауап ретінде "Темір қылыштар" операциясын бастады. Израиль премьер-министрі Биньямин Нетаньяху елдің соғыс жағдайында екенін баса айтты.
