Израиль мен Палестина: екі жақтан қанша адам қырылды

Сурет: unsplash

Израиль мемлекетінің ұлттық құтқару ұйымының мәліметі бойынша, елдегі содырлармен қақтығыс кезінде 1200-ден астам адам қаза тапты, деп хабарлайды Zakon.kz.

Сонымен бірге 3400-ден астам адам жараланған, жүздеген адам тұтқынға алынды және хабар-ошарсыз кетті деп саналады.

Екінші жағынан, Израильдің әуе шабуылдарынан кейін Газада 900-дей адам қаза тауып, 4500-дей адам жарақат алды.

Израиль қорғаныс күштері Газа секторымен 48 сағат шиеленістің ішінде 300 мың резервті мобилизациялады. Саны бойынша бұл осындай кезеңдегі рекорд болды.

9 қазан күні кешке Израиль премьер-министрі Биньямин Нетаньяху Газа секторын Израиль жағынан толық блокадаға алғанын хабарлады.

Air Astana рейсі Тель-Авивтен ұшып, Ақтауға қонды. Содан кейін 10 қазанда Алматыға келді. Ұшақ бортында 166 жолаушы, оның ішінде екі сәби болған.

Оқи отырыңыз