Лондонда мыңдаған адам Газада атысты тоқтатуды талап етіп шеруге шықты

45 мыңға жуық адам Лондон көшелеріне шығып, Газа секторындағы қақтығыстарды тоқтатуды талап етті. Полицейлер заң бұзғаны үшін жиырмаға жуық шерушіні қамауға алды, деп хабарлайды Zakon.kz.

Британия астанасының орталық көшелерімен өткен шеру 25 қараша, сенбі күні кешке болды. Шеруді ұйымдастырушылардың мәліметінше, 45 мың адам баннерлер, плакаттар мен жалау ұстап, наразылық білдіруге шыққан. Олардың барлығы Газадағы соғыс қимылдарын тоқтатуды талап етті, деп жазды SkyNews.

Полиция қызметкерлері митингіге қатысушылардың барлығына акция кезінде өзін-өзі ұстау ережелері мен ұстауға, қамауға алуға әкеп соқтыратын әрекеттерді көрсететін парақшалар таратқанын атап өтті. Ескертулерге қарамастан полицейлер 18 адамды ұстады.