Келесі жылы Қазақстан мен Малайзия арасында тікелей рейстер саны артады
Сурет: Туризм және спорт министрлігі
Оның айтуынша, тікелей рейстердің ашылуы – әзірше тек бірінші кезең.
"Тікелей рейстер саяхатшылар үшін қолайлы жағдай жасап қана қоймай, елімізді шетелдік туристерге қолжетімді етеді. Сонымен қатар туристер санының артуына, келу туризмінің географиясын кеңейтуге және туристік бизнеске жаңа мүмкіндік жасайды", - деді Ержан Еркінбаев.
Әуе рейстері екі ел арасындағы сауда-экономикалық байланыстарды дамытуда шешуші рөл атқарады. Олар іскерлік келіссөздерді жеңілдетіп, сауда мен инвестицияны ынталандырады. Куала-Лумпур мен Алматы арасында ашылатын рейстер аясында бизнес-туризм ағынының артуы болжанды. Бұл тәжірибе мен білім алмасуға ықпал етіп, инвестициялау мүмкіндігін кеңейтеді.
Өз кезегінде Air Asia өкілдері Куала-Лумпур мен Алматы арасында 2024 жылдың наурызынан бастап аптасына төрт рейс (сейсенбі, бейсенбі, сенбі және жексенбі) жиілігімен тікелей тұрақты жолаушылар рейсін іске қосуға ниетті екенін жеткізді.
Әуе компаниясы өкілдерінің айтуынша, бұл қадам екі ел арасындағы туристік, сауда-экономикалық және инвестициялық ынтымақтастық үшін жаңа мүмкіндіктер ашпақ.
