Тайваньдағы жер сілкінісінің салдары туралы видеолар тарап кетті

Тайвань тұрғындары жер сілкінісінің салдары туралы кадрлар жариялауда, сурет - Zakon.kz жаңалық 03.04.2024 09:51

Сурет: Indiana university

Тайваньдағы қатар келген екі жер сілкінісінің салдарын жергілікті тұрғындар әлеуметтік желіде жарыса жариялауда. Алғашқы дүмпулердің қуаттылығы 7,5 балл болса, екіншісі – 6,6 баллдық шкаламен тіркелді,- деп хабарлайды Zakon.kz.

Метеорологтар кейінірек Тайваньның шығысында тіркелген магнитудасы 5,4-ке дейінгі тағы төрт жер сілкінісі туралы хабарлады.

TVBS мәліметтері бойынша, бұл Тайваньдағы 25 жылдағы ең жойқын жер сілкінісі және тағы да қуаттылығы 6,5-7 баллдық дүмпулер болуы мүмкін.

Жер сілкінісі нәтижесінде Хуалянь қаласындағы ғимараттар қирады. Сондай-ақ, Тайбэйдің кейбір аудандарында электр қуаты өшкен және қаладағы метрополитен жолдарын тоқтатуға тура келген. Бұдан бөлек аралдың шығысында көшкін жүріп өтті.TVBS

Бұған дейін Жапонияда цунами туралы ескерту жүргізілгені туралы хабарланған болатын. Жергілікті метеорологтар халыққа үш метрлік цунами жақындап келе жатқанын айтқан. Осыған байланысты билік Окинава префектурасы аймағындағы адамдарға эвакуациялануды ұсынуда.

Әзірге зардап шеккендер туралы ақпарат жоқ.

Оқи отырыңыз