Қырғызстанда депутаттардың бірі билікті басып алуға әрекеттену күдігімен ұсталды
Сурет: Қырғыз Республикасы МҰҚК
Қырғыз Республикасы Мемлекеттік ұлттық қауіпсіздік комитетінің (МҰҚК) қызметкерлері Жалал-Абад облысының Кербен қалалық кеңесінің депутатын билікті басып алуға әрекет жасады деген күдікпен ұстады, деп хабарлайды Zakon.kz.
Құзырлы ведомствоның баспасөз қызметінің хабарлауынша, қалалық кеңестегі "Ата-жұрт Қырғызстан" фракциясының депутаты ұсталған.
Ол адамдарды жаппай тәртіпсіздіктер ұйымдастыруға және билікті күшпен басып алуға шақырды деп күдікке ілінген.
"ҚР МҰҚК Қылмыстық кодекстің 278-бабы, 1-бөлігі ("жаппай тәртіпсіздіктер") бойынша қозғалған қылмыстық іс шеңберінде жүргізілген жедел-іздестіру іс-шараларының нәтижесінде Жалал-Абад облысы, Ақсу ауданы, Кербен қалалық кеңесіндегі "Ата-жұрт Қырғызстан" фракциясының депутаты ұсталды. Ол Facebook әлеуметтік желісінің белсенді пайдаланушысы бола отырып, әр кез арандатушылық материалдар, оның ішінде көпті жаппай тәртіпсіздіктерді ұйымдастыруға шақырып, одан кейін билікті күшпен құлату/басып алуды уағыздаған", делінген хабарламада.
Бұған дейін Қырғыз елінде мемлекеттік төңкеріс жасау әрекетінің жолы кесілгені хабарланған болатын. Кейіннен төңкеріс жасамақ болған күдіктілердің бірінен депутаттың әскери билеті табылғаны белгілі болды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
