Пәкістандағы ең биік таулардың бірінде белгілі альпинист көз жұмды
Сурет: pixabay
Пәкістан Альпі клубының мәліметі бойынша, 12 тамызда 35 жастағы Мурад Садпараға Қарақорам жотасында басына тас тиіп, алған жарақатының салдарынан қайтыс болды, деп хабарлады клуб хатшысы Каррар Хайдри.
Хайдридің айтуынша, Садпара өткен аптада тауға шығу үшін португалдық альпинистпен экспедицияны бастаған, бірақ Садпараның серіктесі ауа-райының қолайсыздығынан ауырып қалған соң екі спортшы артқа қайтуға мәжбүр болған.
Оның айтуынша, команда базалық лагерьге оралғанда тас Садпараға құлаған.
Сурет: Facebook/Alpine Club of Pakistan
Құтқарушылар тобы Садпараны эвакуациялады, бірақ ол медициналық көмек оған жеткенге дейін қайтыс болды. Оның денесі таудан түсірілді.
Айта кетейік, 7 тамызда 66 жастағы ер адам Үлкен Алматы шатқалының тауларында қайтыс болды.
