Париж әуежайында жолаушыларды шұғыл түрде эвакуациялады

Француз полициясы бомба салынғаны туралы жасырын хабарламадан кейін Париждегі Орли әуежайының екі терминалынан жолаушыларды эвакуациялады, деп хабарлайды Zakon.kz.

Le Parisien газеті жазғандай, белгісіз адам полицияға қоңырау шалып, әуежайдың дәретханасына бомба салдым деп мәлімдеді. Нәтижесінде полиция барлық жолаушыларды 2 және 3 терминалдардан алдын-ала эвакуациялау туралы шешім қабылдады.

Ешқандай жарылғыш құрылғылар табылмағаны атап өтілді.

25 тамызда Израильдің солтүстігіндегі шиеленісті жағдайлардан кейін Air France, Біріккен Араб Әмірліктеріне қарасты Etihad Airways және Грецияның Aegean Airlines әуе компаниялары Тель-Авивке қатынайтын барлық рейстердің тоқтатылғанын жариялады.