Ауғанстанмен арадағы шекарада Пәкістанның 19 әскери қызметкері опат болды

Пәкістан армиясының 19 әскери қызметкері шекарада Ауғанстан сарбаздарымен болған екіжақты қақтығыс кезінде қаза тапты, деп хабарлайды Zakon.kz.

Синьхуа агенттігі Ауғанстанның уақытша үкіметінің Қорғаныс министрлігіне сілтеме жасай отырып, қарулы қақтығыстар ауғанның Хост және Пактия сынды шығыс провинциясымен шектесетін Пәкістанның шекарасындағы бақылау бекеттерінде болғанын хабарлайды.

"Ауған шекарашылары Пәкістанның екі бақылау бекетін басып алып, басқаларын өртеп жіберді. Пәкістанның әскери қызметшілері ауған шекарашыларының бекіністеріне минометпен оқ жаудырды. Ауғанстан Қорғаныс министрлігінің мәліметі бойынша, нәтижесінде ауғанның үш бейбіт тұрғыны қаза тапты", делінген хабарламада.

Шекарадағы қарулы ұрыс Пәкістан әскери-әуе күштерінің Ауғанстандағы лаңкестердің паналауы ықтимал орындарды бомбалауы кезінде болды. Кабулдың айтуынша, әуе шабуылдарынан 51 тұрғын, соның ішінде әйелдер мен балалар опат болды.

Бұған дейін Пәкістанда интернеттегі бұғатталған контенттерге қол жеткізу үшін виртуалды жеке желілерді (VPN) пайдалану күнә деп танылған болатын. Мұндай әрекеттер шариғатқа қайшы келеді деп саналады.