Спорт жаңалықтары 
АҚШ-тың бұрынғы президенті Джимми Картер қайтыс болды
Сурет: pixabay
Қаралы хабарды Washington Post экс-президенттің ұлына сілтеме жасай отырып мәлімдеді. Ол 2024 жылдың 1 қазанында 100 жасқа толған болатын. Өмірінің соңғы жылдарында бұрынғы ел басшысы терінің қатерлі ісігімен күресіп келген.
Джеймс Эрл Картер тарихта өзін қысқартылған Джимми есімімен атауды сұраған алғашқы жоғары мемлекет қайраткері ретінде есте қалған.
"Мен қарапайым фермермін, маған осылай ыңғайлы", – деп түсіндірген ол.
Картер АҚШ-ты 1977 жылдан 1981 жылға дейін басқарды. Ол 1976 жылы республикалық Джеральд Фордты сайлауда жеңіске жеткен болатын. Келесі төрт жылдан кейінге сайлауда ол бұрынғы актер және Калифорния губернаторы республикашыл Рональд Рейганнан жеңілді.
Отставкаға кеткеннен кейін ол қайырымдылық, гуманитарлық жобалармен айналысты. 2002 жылы "Халықаралық қақтығыстардың бейбіт шешімдерін іздеудегі қажымас күш-жігері, демократияны алға жылжыту және адам құқықтарын сақтау, экономикалық және әлеуметтік дамуды ынталандыру үшін" Нобель сыйлығымен марапатталды.
АҚШ-тың сайланған президенті Дональд Трамп пен қазіргі президент Джо Байден АҚШ-тың бұрынғы басшысының қайтыс болуына байланысты қайғыра көңіл айтты.
Бұған дейін Әлиевтің Ақтау маңына құлаған ұшақ сырттай әсерлерге ұшырағанын мәлімдегені хабарланған болатын.
