Стамбулда шыршалардың жаппай кесілуіне байланысты ормандарда кезекшілік ұйымдастырылды

Стамбул орман шаруашылығы басқармасының қызметкерлері шыршалардың заңсыз кесілуіне жол бермеу үшін тәулік бойы кезекшілікті бастады, деп хабарлайды Zakon.kz.

Yeşilhat экологиялық жаңалықтар агенттігінің дерегінше, Сарыер ауданында ағаштарды кескен күдіктілер ұсталды. Олар жедел түрде жауапқа тартылды.

Сурет: Х/AA_Yesilhat

Елдің Орман кодексіне сәйкес, мемлекеттік ормандарда көшеттер мен ағаштарды кесуге тыйым салынады. Мұндай әрекеттер үшін үш айдан бес жылға дейінгі мерзімге бас бостандығынан айыру жазасы және ақшалай айыппұлдар қарастырылған.

🌲İstanbul Orman Bölge Müdürlüğü ekipleri, yılbaşı öncesi ağaç kesimini önlemek için başlattığı "yılbaşı ağacı" nöbetini 7 gün 24 saat aralıksız sürdürüyor#Yeşilhat🌱https://t.co/0fatfHDBAV pic.twitter.com/WeWbw66TpS

— Yeşilhat (@AA_Yesilhat) December 28, 2024

"Сондай-ақ, құқық бұзушылар бүлінген орман алқаптарын қалпына келтіру құнын өтеуге міндетті", — делінген ақпаратта.

Бұған дейін Қара теңіз жағалауында мазуттың қайта төгілуі анықталғаны хабарланған болатын.