Анкарада 33 адам арақтан уланып, көз жұмды

Анкарада қолдан жасалған спирттік ішімдік ішкен 33 адам қайтыс болды, деп хабарлайды Zakon.kz.

Арақтан уланған тағы 20 адам ауыр халде ауруханаға түскен. Олардың көбі жансақтау бөлімінде жатыр. Бұл ақпаратты Анкара губернаторы Васип Шахин хабарлады.

Арнайы қызметтер жүргізген рейд барысында жасырын цехта спирттік ішімдік жасаумен айналысқан 34 адам қамауға алынған.

Ал Ыстанбұл қаласында жыл басынан бері алкогольді сусындардан уланған 71 адам көз жұмған.

49 адам ауыр халде ауруханаға түскен, деп жазады qazaqstan.tv.

Қолдан арақ жасап сатты деген күдікпен қазір тағы 10 адам қамауға алынды.

Ел аумағында арақ-шарап сатылатын жерлердің барлығы тексеріліп жатыр.