Сегізаяқ саяхатшыға шабуыл жасады, салдарынан ер адам төрт рет есін жоғалтып алды

Сидней жағажайында 43 жастағы Жан-Пол Кальман сегізаяқ шабуылынан кейін, төрт рет есін жоғалтып алған, деп хабарлайды Zakon.kz.

9news телеарнасының дерегінше, Балморал жағажайында шомылу кезінде саяхатшының қолына көк сақиналы сегізаяқ оралып алған.

"Оның кішкентай көк дақтары өте ашық көк түспен бүлкілдеді, бұл оның ашуланғанын және мені тістеп жатқанын білдірді", – деді Кальман.

Алайда ол көмекке қолы ұйып бастағанда ғана жүгінген. Кальманның бұрынғы әйелі Кортни оны қоғамдық көлікпен жүруден бас тартып, дереу ауруханаға жеткізген. Жан-Пол егер Кортни болмаса, аман қалмас едім деп атап өтті.

"Мен оған өмір бойы қарыздармын",- деді ол.

Бұған дейін Тасмания аралында 90-ға жуық косатканың жағаға шығып қалғандығы хабарланған болатын.