Трамп электронды тауарларды баж салығынан босатты

Смартфондар, ноутбуктер, планшеттер және электрондық техниканың басқа түрлері АҚШ-тың "өзара баж салығы" тауарлар тізімінен "сызылып тасталды", деп хабарлайды Zakon.kz.

Бұл туралы америкалық шекара және кеден қызметінің жаңартылған нұсқаулығында айтылады, онда баждан босату 5 сәуірден бастап жеткізілетін тауарларға қатысты екендігі көрсетілген.

Импорттаушыларға төленген баждарды қайтаруға рұқсат етіледі, бұл үшін реттелмеген жеткізілімдер туралы есептілікке немесе реттелген есепке өзгерістер енгізу туралы өтініш беру қажет.

Баждан босатылған тауарлар тізіміне ноутбуктер, смартфондар, модемдер, қатты дискілер, флэш-карталар, мониторлар, транзисторлар және жартылай өткізгіш құрылғылар сияқты 20 атаулы тауар кіреді.

CNBC атап өткендей, Қытай импортына қатысты 145% дейін жеткен бұрын енгізілген баждар технологиялық алпауыттарға, атап айтқанда Apple-ге қатты әсер етуі мүмкін. Компания Қытайда iPad-тың шамамен 80%-ын, Mac компьютерлерінің жартысынан көбін және iPhone-ның 90%-ын өндіреді. Wedbush Securities сарапшысы Дэн Айвзтың айтуынша, өндірісті АҚШ-қа көшіру iPhone бағасының үш есе, яғни 3,5 мың долларға дейін өсуіне әкеліп соқтыруы мүмкін.