Эквадорда қатты жер сілкінісі болды

25 сәуірде Эквадорда 6,3 баллдық жер сілкінісі болды. Сейсмографтар Эсмеральдас қаласынан солтүстік-шығысқа қарай 21 шақырымда қазақстандық уақыт бойынша 16.44-те жер сілкіністерін тіркеді, деп хабарлайды Zakon.kz.

Жер сілкінісі Тынық мұхитында шамамен 35 шақырым тереңдікте болды. Оның толқыны Манаби, Гуаяс, Лос-Риос, Эль-Оро, Пичинча, Санто-Доминго-де-лос-Цачилас, Имбабура, Химборазо, Эсмеральдас және Тунгурауа сынды бірқатар елдімекендерде сезілді, деп хабарлайды Эквадордың геофизика институты.

Эквадордың тәуекелдерді басқару қызметі цунами қаупі жоқ екенін мәлімдеді.

Зардап шеккендер мен қирандылар туралы ақпарат та жоқ.

Эквадор тектоникалық тастар соқтығысатын Жер бетіндегі ең сейсмикалық қауіпті аймақтардың бірі - Тынық мұхиты отты шеңбері аумағында орналасқан.

Бұған дейін Қырғызстан мен Қазақстан шекарасында жер сілкінісі болғанын жазғанбыз.