Кремль Путин мен Трамптың телефон арқылы сөйлескеніне қатысты пікір білдірді

Ресей президентінің баспасөз хатшысы Дмитрий Песков Владимир Путин мен Дональд Трамптың телефон арқылы сөйлесуі 2025 жылдың 19 мамырында болатынын растады, деп хабарлайды Zakon.kz.

ТАСС агенттігінің хабарлауынша, екі ел президенттерінің кездесуі бүгін кешке болады.

"Трамппен телефон арқылы сөйлесу... Мәскеу уақытымен 17:00 (Астана уақыты бойынша 19:00. – ред.) болады. Әрине, Ыстамбұлда өткен келіссөздерді ескере отырып, әңгіме маңызды", – деді Дмитрий Песков.

РИА Новости хабарлағандай, Кремль өкілі Путин мен Трамптың кездесуіне дайындық туралы да айтты.

"Екі президент шешім қабылдайды. Кездесуді, әрине, пысықтау керек, бірақ олар сізбен белгілеген мерзімге қарай, команда соған бейімделеді. Бірақ қалай болғанда да, біз көріп отырғандай, әрине, кездесу (президенттердің. – Ред.) нәтижелі болуы керек. Бірақ нәтижелі болуы үшін оған жақсы дайындалу керек", – деп атап өтті Дмитрий Песков.

Бұған дейін Дональд Трамп Ресей және Украина президенттерімен телефон арқылы сөйлесетінін мәлімдеген.

2025 жылдың 17 мамырында Кремль Ресей мен Украина президенттері Владимир Путин мен Владимир Зеленскийдің кездесу мүмкіндігін бағалады.