Ресейде COVID-19-дың жаңа түрін жұқтыру жағдайлары анықталды

Ресейде коронавирус инфекциясының NB.1.8.1 деп аталатын жаңа түрін жұқтырудың төрт жағдайы тіркелді. Қазір жағдай Роспотребнадзордың бақылауында, деп хабарлайды Zakon.kz.

ТАСС агенттігінің ақпаратынша, бұл туралы журналистерге санитарлық бақылау мекемесінің басшысы Анна Попова мәлімдеді. Оның айтуынша, түрлі елдердің бұқаралық ақпарат құралдарында COVID-19-дың жаңа генетикалық нұсқасы – NB.1.8.1 пайда болғаны туралы мәліметтер таралып жатыр.

"Бұл геновариант алғаш рет биылғы жылдың қаңтар айында Қытайда анықталып, сипатталды. Кейін ол Азия елдерінде, Үндістанда және Америка Құрама Штаттарында тіркелді... Бүгінгі таңда Ресей Федерациясында да анықталды, осы жаңа коронавирус түрін жұқтырудың төрт жағдайы тіркелді. Бұл белгілі бір алаңдаушылық тудырады", – деді ол.

Бұған дейін Джо Байденнің дертін дер кезінде анықтай алмаған жеке дәрігері сынға ұшырағандығы хабарланған болатын.