Лувр қызметкерлері жиналыс кезінде ереуілге шықты

16 маусым күні әлемге әйгілі мұражай қызметкерлері жиналыс барысында күтпеген жерден ереуілге шықты, деп хабарлайды Zakon.kz.

Associated Press агенттігінің жазуынша, галеристер, күзетшілер мен билет сатушылар өз орындарын тастап кеткен. Осылайша, қолдарында билеттері бар мыңдаған турист кіре алмай, далада қалған.

The Louvre museum in Paris SHUTS DOWN after staff stage protest over mass tourism.

Thousands of tourists stood outside the world’s most visited museum and were unable to gain entry after staff went on strike.

Staff including; gallery attendants, ticket agents and security… pic.twitter.com/iIdZrbz3B6

— Oli London (@OliLondonTV) June 17, 2025

Наразылық таңғы жиналыс кезінде басталып, жұмыс жағдайларын талқылау бір сәтте ұжымдық "жетер енді" ұранына айналды. Бұған себеп — овертуризм мен мұражайдың "тым толып кетуі". Қызметкерлер келушілер легін игере алмай жатыр.

Бұл ретте, қызметкерлер бұрыннан қонақтар санының көптігіне шағымданып келеді. Жуырда Франция президенті Эммануэль Макрон Луврды 2031 жылға дейін қайта жаңғырту жоспарын ұсынған болатын, алайда бұл жаңалық тек наразылықты күшейтті.

Өйткені билік қазіргі нақты проблемаларды – кадр тапшылығы, ескірген ғимараттар мен залдардың шамадан тыс жүктелуін – шешудің орнына, келушілер санын арттыру мен сыртқы көрініске мән беріп отыр: жаңа кіреберіс, "Мона Лизаға" арналған жеке зал, жылына 12 миллион туристі қабылдау жоспары бар.

"Біз алты жыл күте алмаймыз. Бұл тек өнер туралы емес – оны қорғайтын адамдар жайлы", – деп түсіндірді кәсіподақ өкілі Сара Сефьян.

Бұған дейін Әлемдік БАҚ-тың Иранның бұрынғы президенті Махмұд Ахмадинежадтың қаза тапқаны туралы жазуда екені хабарланған болатын.