Рим папасы мемлекет басшыларын соғысты доғаруға шақырды

Рим папасы XIV Лео Таяу Шығыстағы қақтығыстың өршуіне қатты алаңдаушылық білдіріп, ел басшыларын жауапкершілікке шақырды, деп хабарлайды Zakon.kz.

Бұл туралы понтифик 2025 жылы 22 маусымда Әулие Петр алаңындағы жексенбілік дұғадан кейінгі уағызында айтты.

"Таяу Шығыстан, әсіресе Ираннан алаңдатарлық хабарлар келіп түсіп жатыр. Израиль мен Палестинаға да қатысты бұл драмалық оқиғада халық, әсіресе Газада және гуманитарлық көмек қажет басқа жерлерде зардап шегуде", - деп атап өтті Рим папасы.

Ол бейбітшілікке, жауапкершілік пен парасаттылыққа шақыру бұрынғыдан да көп орын алып жатқанын атап өтті. Олар қару-жарақпен, қақтығыстарды қоздыратын сөздермен тұншықтырылмауы тиіс. 

"Әрбір үкімет моральдық жауапкершілікке ие, өкініш өзекті өртейтін жағдайға жеткізбей соғыс трагедиясының алдын алу керек. Иіуге келмейтін қақтығыс жоқ. Соғыс проблемаларды шешпейді, бірақ халықтар тарихында жазылмас терең жараларды қалдырады. Бір де бір қарулы қақтығыс арқылы келген жеңіс аналардың азабын, балалардың қорқынышы мен ұрланған болашағын орнына келтіріп, емдеп жаза алмайды. Дипломатия қарудан әрдайым биік тұруы керек", - деп сөзін қорытындылады понтифик.

Айта кетсек, 2025 жылы 21 маусымда Қазақстан ИЫҰ отырысында Иран мен Израильды атысты дереу тоқтатуға шақырды.

2025 жылдың 22 маусымына қараған түні АҚШ Әскери-әуе күштері "Ирандағы үш ядролық нысанға, соның ішінде Фордо, Натанз және Исфаханға" шабуыл жасады. Трамп бұдан кейін Тегеран қақтығысты тоқтатуға келісуі керек деп санайды.