Аргентина президентінің кортежіне тас жаудырды

Аргентина президенті Хавьер Милейдің қарсыластары оның сайлауалды шарасын өткізу кезінде кортежіне тас пен бөтелке лақтырды, деп хабарлайды Zakon.kz.

TN телеарнасының мәліметінше, оқиға Буэнос-Айрес провинциясындағы Ломас-де-Самора қаласында болды.

"Милей ашық төбесі бар көліктен жиналғандарға сәлем беріп бара жатқан. Оның қасында сыбайлас жемқорлыққа қатысы бар деп күдікке ілінген қарындасы Карина Милей отырған", – делінген ақпаратта.

Осы сәтте оның жақтастары мен полиция және наразылық білдірушілер арасында қақтығыс басталған. Қауіпсіздік мақсатында президенттің күзеті мемлекет басшысын жедел эвакуациялады.

🇦🇷 Javier Milei é retirado às pressas de uma carreata da campanha eleitoral após ser alvo de pedras e garrafas atiradas pela população. pic.twitter.com/Ty8auucvSf

— Eixo Político (@eixopolitico) August 27, 2025

Президенттің ресми өкілі Мануэль Адорни тәртіпсіздіктерге экс-президент Кристина Фернандес де Киршнердің жақтастарын кінәлап, оқиға барысында ешкім зардап шекпегенін мәлімдеді.

Еске салсақ, 2025 жылдың ақпанында Аргентинада президентке криптовалюта жарнамасына байланысты импичмент жариялау талабы көтерілген еді.