100 мыңнан астам виза күшін жойды: АҚШ Мемлекеттік департаменті қауіпсіздік шараларын күшейтті

АҚШ Мемлекеттік департаменті 100 мыңнан астам визаның күшін жойды. Олардың ішінде шамамен 8 мың студенттік виза және 2,5 мыңға жуық арнайы виза бар. Бұл визалар бұрын қылмыстық әрекеттерге байланысты құқық қорғау органдарымен байланысы болған адамдарға берілген, деп хабарлайды Zakon.kz.

X әлеуметтік желісінде (бұрынғы Twitter) жарияланған ақпаратқа сәйкес, бұл шаралар елдің ішкі қауіпсіздігін қамтамасыз етуге бағытталған. Нақтылай айтқанда, АҚШ аумағында заң бұзғаны анықталған тұлғалардың визалары ғана жойылған.

"Біз бұл қылмыскерлерді депортациялауды жалғастырамыз, осылайша Америка қауіпсіз ел болып қала береді", – деп мәлімдеді АҚШ-тың дипломатиялық ведомствосы.

🚨BREAKING: The State Department has now revoked over 100,000 visas, including some 8,000 student visas and 2,500 specialized visas for individuals who had encounters with U.S. law enforcement for criminal activity.

We will continue to deport these thugs to keep America safe. pic.twitter.com/wuHVltw1bV

— Department of State (@StateDept) January 12, 2026

Бұған дейін Трамп Иранның іскери серіктестеріне баж салығын енгізгенін жазғанбыз.