Парагвай президенті Германияны жеңгеннен кейін елде демалыс күнін жариялады

Парагвай президенті Сантьяго Пенья ұлттық құраманың футболдан әлем чемпионатының 1/8 финалына шығуына байланысты 30 маусымды мерекелік демалыс күні ретінде жариялады, деп хабарлайды Zakon.kz.

Бұл туралы мемлекет басшысы өзінің Х әлеуметтік желісіндегі парақшасында мәлімдеді.

"Бүгін – бүкіл елдің мерекесі. Алға, Парагвай!" – деп жазды президент.

¡Gigante Paraguay! 🇵🇾

Hoy celebra todo un país. Celebra la victoria de una selección que representa lo más profundo de nuestra identidad: la garra, la fe y la fuerza de un pueblo que nunca se rinde.

Gracias, Albirroja, por regalarnos esta alegría inmensa y por volver a unir a… pic.twitter.com/TNDU8wtctL

— Santiago Peña (@SantiPenap) June 30, 2026

Осыдан бірнеше сағат бұрын Германия құрамасы күтпеген жерден Парагвайдан жеңіліп, футболдан әлем чемпионатындағы жарыс жолын аяқтаған болатын. Кездесудің 42-минутында парагвайлық шабуылшы Хулио Энсисо есеп ашты. Ал матчтың 54-минутында Германия құрамасының шабуылшысы Кай Хаверц таразы басын теңестірді. Матчтан кейінгі пенальтилер сериясында Парагвай құрамасы 4:3 есебімен басым түсіп, келесі кезеңге жолдама алды.