Қаскелеңдегі көпқабатты үйде болған газ-ауа қоспасының жарылысынан тағы бір адам көз жұмды, деп хабарлайды zakon.kz.
Алған жарақаттарынан аудандық ауруханада 1939-шы жылы туған әйел қайтыс болды.
- Алматы облысының әкімі берген тапсырма бойынша, зардап шеккендерге жан-жақты қолдау көрсетіледі. Алдымен үйдің тұруға жарамдылығын тексереміз. Жарайтын болса – баспана қалпына келтіріледі. Құрылыс компаниялары жұмысқа кірісуге дайын отыр, - деді Қарасай ауданының әкімі Жандарбек Далабаев.
8 қаңтарда Қаскелеңдегі көпқабатты үйде газ жарылып, оқиға орнында 2009-шы жылы туған бала қаза тапқан.