Дүйсенбі күні Димаш Құдайберген Мәскеудегі стадион – "Мегаспорт" сарайында алғаш рет концерт берді, деп хабарлайды zakon.kz.
Бұл - Димаштың Мәскеудегі екінші жеке шоу концерті, бірақ стадиондағы – алғашқысы.
Концерт бағдарламасы бұрынғыдан ерекше арнайы эффектілермен және репертуарларымен біршама ерекшеленді. Мәселен, әннің сөзін канадалық әнші Лара Фабиан жазып, ал музыкасын орыс композиторы Игорь Крутой қойған ән бірінші рет осы сахнада орындалды.
Мен бала кезімнен Игорь Яковлевичпен жұмыс істеуді армандайтынмын, Дмитрий Хворостовский, Лара Фабиан, Андреа Бочелли және басқа да әлем жұлдыздары ән салатын ортаға қатты енгім келетін, - деді Димаш концерті алдында берген сұхбатында.
Әншінің "Мегаспорт" аренасындағы концертін көруге әртүрлі шетелден жанкүйерлері келді. Коронавирус жұқтыру қаупіне қарамастан. Жанкүйерлердің арасында маска кигендері де болды.