Жігіті тастап кеткенге қатты күйінген әйел Алматы мен Алматы облысы шекарасында өзіне-өзі қол салмақ болды, деп хабарлайды zakon.kz.
Әйелдің бұл әрекетін блок-постта қызметте тұрған Құрлық әскерлерінің Әскери институтының 4 курсының курсанты Мейрамбек Найсекенов байқап қалып, дереу құтқаруға кірісті.
- Әйелді қолынан шап берген ол оны көпірден қауіпсіз жерге түсіріп, басу айтты. Болған жағдай туралы рациямен хабар беріп, құқық қорғау органдарының қызметкерлері келгенше әйелмен сөйлесті. Ол әйелді жігіті тастап кеткен болып шықты. Суицидке сол себепті бармақ болған екен. Найсекенов Мейрамбек өз әрекетін әкетіп бара жатқан ерлік демеді, менің орнымда еліміздің кез-келген азаматы сөйтер еді, деп қысқа қайырды, - деді Құрлық әскерлерінің Әскери институтының баспасөз қызметі.
Дегенмен, құқық қорғау органдары курсант Мейрамбек Найсекеновке батыл әрекеті үшін Алғыс жариялады.
Айта кетсек, Құрлық әскерлерінің Әскери институтының жеке құрамы карантин кезеңінде патруль жүргізу үшін үш бағытқа бөлінген: Көкжиек ықшамауданының кордоны - №1 ауысым, онда 260 адам екі ауысымда қызмет етеді. "Алтын Орда" базарының №2 посты, базардан Қаскелеңге дейінгі 7 шақырым аумақта 300 кадет күзетеді. Ал №3 почта - 50 студент кіретін "Апорт" сауда орталығының ауданы.
Барлығы осы үш бағытта тәулік бойы кезекшілік етеді.