40 жастағы америкалық актриса, әнші әрі реалити-шоу өкілі Пэрис Хилтон кәсіпкер Картер Реумға тұрмысқа шықты, деп хабарлайды Zakon.kz.
Үйлену тойы Пэристің марқұм атасы Баррон Хилтонға тиесілі Бель-Эйр жекежайында өтті. Тойда Голливуд жұлдыздары бой көрсетті, оның ішінде Эмма Робертс, Эшли Бенсон сынды танымал әртістер де болды, - деп жазды vesti.ru.
Хилтон мен Реумның көңіл жарастырғаны жайлы 2020 жылы белгілі болған. Пэристің бұрынғы ғашықтарының қатарында гитарашы Бенджи Мэдден, әнші Ник Картер және актер Крис Зилка да болған. Хилтон - көптеген фильмдерде басты рөлдерді ойнаған, әлемге танымал әртістердің бірі.