Теміртауда хабар-ошарсыз кеткен ер адам өлі күйінде табылды, деп хабарлайды Zakon.kz.
Теміртау қаласының полиция қызметкерлері әлеуметтік желілерге мониторинг жүргізіп, қала тұрғынының жоғалып кеткені туралы хабарламаға назар аударды.
47 жастағы ер адам 23 қарашада үйінен шығып, сол күйі кері оралмады.
3 желтоқсанда полиция адам жоғалу фактісін тіркеді. Жоғалған адамды табу үшін облыстың ішкі істер органдарының барлық жеке құрамына бағдар берілді. Іздеу шараларына волонтерлер де қосылды.
Жүргізілген жедел-тергеу іс-шаралары барысында із-түзсіз жоғалған адамның өлтірілгені анықталды. Қарағанды қаласы ПД баспасөз қызметі
5 желтоқсанда полицейлер кісі өлтіргенін мойындаған Теміртау қаласының 50 жастағы тұрғынын ұстады.
Оқиға орнында жедел-тергеу тобы жұмыс істеуде, қылмыс құралы тәркіленді. Аталған факті бойынша ҚР ҚК-нің 99-бабы, "Адам өлтіру" бойынша қылмыстық іс тіркелді. Сот-медициналық сараптамалар тағайындалды. Тергеу амалдары жүргізіліп жатыр. Қарағанды облысы ПД баспасөз қызметі