Эстакаданың ұзындығы 396 метр, әр бағытта төрт жолақ бар.
Яссауи көшесінен Береке көшесіне дейінгі учаске бойынша қозғалыс уақытша жабық. Нысандағы құрылыс жұмыстарын 2022 жылдың қыркүйегіне дейін аяқтау жоспарланған. Мұнда жан-жаққа шығатын жолдардың жиегін орнату, аумақты абаттандыру, жерүсті жаяу жүргіншілер өткелдерін салу, асфальтбетон жабынымен жоғарғы қабатты төсеу және тағы басқа жұмыстар орындалатын болады.
Абай даңғылынан шығатын екі айырық жолды жасау аяқталғанға дейін Әшімов көшесінің қиылысындағы көлік қозғалысы бағдаршаммен реттеу уақытша ұйымдастырылды.
Абай даңғылы Момышұлы көшесінен Алатау көшесіне дейін ұзартылды.