Мемлекет басшысы лебізін Twitter-ге жазды.
Бибісара Асаубаеваны блиц бойынша өткен әлем чемпионатындағы жарқын жеңісімен құттықтаймын. Бұл керемет жетістік барша қазақстандық үшін, әсіресе шахмат әуесқойлары үшін Жаңа жыл қарсаңындағы жағымды жаңалық болды. Бибісараның табыстан табысқа жете беруіне тілектестік білдіремін!Қасым-Жомарт Тоқаев
Еске салсақ, қазақстандық шахматшы Бибісара Асаубаева Варшавада өтіп жатқан шахматтан әлем чемпионатында блицтен әлем чемпионы атанған еді.
Турнирдің соңғы ойынында Бибісара Асаубаева ресейлік Александра Горячкинамен ойнады. Ресейлік шахматшы қателік жіберіп, жеңілуге мәжбүр болды.
Тақырыпқа орай мына мақаланы оқи отырыңыз
Әлем чемпионы атағымен қоса, 17 жастағы Асаубаева 40 мың доллар көлемінде сыйақы алады.