WABetaInfo порталының мәліметінше, қолданбаның кейінгі бета нұсқасында сурет салу құралдары бар.
Жаңа нұсқаны сынап көргендер сурет салуға арналған "қарындаш" тәріздес құралдың мүмкіндігін көріп отыр. Қазір оның үш нұсқасы дайын. Басқа да нұсқалар әзірленіп жатыр.
Сонымен бірге жаңартылған нұсқада Telegram және Facebook-тегі функцияға ұқсас фотоларды бұлдыратуға және хаттарға "реакция" қалдыруға болады. Бұл құралдың көмегімен фотоның бір бөлігін жасыруға да мүмкіндік бар.
Whatsapp-тың жаңа мүмкіндіктері Android 2.22.3.5 нұсқасы орнатылған құрылғыларда қолжетімді.