Осылайша доктор Малалай Рахым Кабулдағы "Малалай" мамандандырылған перзентханасының директоры болып тағайындалды. Бұл перзентхана — Ауғанстандағы жалғыз акушерлік-гинекологиялық мекеме.
Сонымен доктор Ариан Шахрар Ауғанстан елордасындағы гинекологиялық емхананың директоры болып тағайындалды.
"Известия" басылымының мәліметінше, қазіргі кезде Перзентхана мен гинекологиялық емханада ана өлімі мәселесі бойынша мәселелер бар.
ТАСС басылымының мәліметінше, тәліптер бірқатар елдер мен халықаралық ұйымдардың өкілдерімен көптеген кездесу өткізген. Сол кездесулерде әйелдердің қоғамдық-саяси өмірге қатысуы туралы мәселе көтерілген еді.
Еске сала кетейік, Ауғанстанның бүкіл аумағына бақылау орнатқан тәліптер әйелдер істері министрлігін жойған еді. Сонымен қатар қыздардың мектепке баруына шектеу қойды, тележүргізуші әйелдерге хиджаб киюді міндеттеді.
Өткен жылдың қазан айында Кабулда Ауғанстан әйелдерінің бір бөлігі құқығын сақтауды талап етіп, наразылыққа шықты. Тәліптер акция ұйымдастырушыларын тарату үшін күш қолданған.