Бұл жаңалықты ақтөбелік клубтың баспасөз қызметі Instagram желісіндегі парақшасында таратты. Футболшы ретінде Карпович 2010 жылы Ақтөбенің намысын қорғап, Қазақстан чемпионатының күміс жүлдегері атанды. 41 жастағы Карпович бірнеше жыл алматылық «Қайраттың» жаттықтырушылар штабында жұмыс істеді, кейін көкшетаулық «Оқжетпесті» басқарды.
2021 жылы ол петропавлдық «Қызыл-Жардың» бас бапкері болды, ҚПЛ-дағы төртінші орынның арқасында Карпович солтүстікқазақстандықтарды УЕФА конференц-лигасына алып шықты.
Осы жылдың басында ол Қазақстан құрамасының бас бапкері қызметін атқарып, Молдовамен өткен екі плей-офф ойынында команда үшін жеңіске жетті.
Андрей Карповичтің жаттықтырушылар штабында екі маман болды: Денис Колодин және Борис Глушков. Екі жаттықтырушы да Карповичпен бірге Петропавлдың «Қызылжарында» жұмыс істеген.