Куәгерлердің айтуынша, "Жигули" көлігінің жүргізушісі алдында тұрған көліктерді айналып өтіп, келе жатқан жүк пойызының алдына темір жол үстіне шыққан.
"Қазақстан темір жолы" ҰК" АҚ баспасөз қызметі хабарлағандай, жол-көлік оқиғасы салдарынан құрбан болғандар бар. Нақты мәліметтер әлі ашып айтылмайды.
Пойыз 57 км/сағ жылдамдықпен жүйткіп келген. Оқыс оқиға орнында полиция жұмыс істеп жатыр.
"Қазақстан темір жолы" ҰК" АҚ оқиғаның себептері мен мән-жайларын тексеру үшін комиссия құрады.