Қазақстандағы және ТМД-дағы жетекші онлайн жұмыс іздеу платформасы HeadHunter мәліметтері бойынша, 2022 жылдың екінші тоқсанында жұмыс берушілер бірінші тоқсанмен салыстырғанда веб-сайтта бос жұмыс орындарын 16,6% көп жариялаған.
Қалалар бойынша бос жұмыс орындарының динамикасына қарасақ, Алматы (республикадағы барлық бос жұмыс орындарының 40,9%), Нұр-Сұлтан (20,6%) және Қарағанды (5,7%) көш бастап тұр. Ең белсенді өсім Ақсай (+85,7%), Жезқазған (+35,2%), Тараз (+28,9%) және Семей (+28,3%) қалаларында байқалды. Бос жұмыс орындарының азаюы ешбір қалада байқалмады.
Сонымен қатар бірінші тоқсанмен салыстырғанда өтініш берушілердің белсенді түйіндемелерінің саны да 85,5% өсті. 500 мыңнан астам қазақстандық жұмыс іздеген. Белсенді түйіндемелердің ең көп санын Алматы (40,1%), Нұр-Сұлтан (19,4%) және Шымкент (5,9%) қалалары көрсетті.
Үміткерлердің түйіндемесіндегі ең көп таралған мамандықтар:
сату жөніндегі менеджер, тұтынушыларға қызмет көрсету жөніндегі менеджер (8,9%);
сатушы-кеңесші, сатушы-кассир (8,7%);
бухгалтер (5,5%);
әкімші (5%);
жүргізуші (4,7%);
оқытушы, мұғалім, тәрбиеші (3,7%);
даяшы, бармен, бариста (3,3%);
курьер (2,8%);
бағдарламашы, программист (2,7%);
байланыс орталығының операторы, маманы (2,3%).
Еңбек нарығындағы бәсекелестік артты: индекс 2022 жылдың бірінші тоқсанымен салыстырғанда 8,3% өсіп, 5,2 болды. Бұл бір бос жұмыс орнына бес адамнан көп адам өтініш білдіретінін білдіреді.
Орташа жалақыға келетін болсақ, екінші тоқсанда ол 243 мың теңге болып, бірінші жылмен салыстырғанда 1,25% артық. Нұр-Сұлтан, Алматы және Атыраудағы жұмыс берушілер ең жомарт болды.
Бос жұмыс орындарының өсімі мына салаларда тіркелді:
туризм, қонақүйлер, мейрамханалар (+27,64%);
көлік, логистика (+27,63%);
үй қызметкерлері (+26,91%);
шикізатты өндіру (+26,57%);
спорт клубтары, сұлулық салондары (+24,53%);
өңдеу өнеркәсібі, ауыл шаруашылығы (+24,24%);
сату (+22,87%);
адвокаттар (+22,53%);
құрылыс, жылжымайтын мүлік (+22,36%);
жоғары басшылық (+16,37%).
Екінші тоқсандағы теріс динамика тек автокөлік бизнесінде байқалды, -5,45%.