ТАСС агенттігінің хабарлауынша, Порт-о-Пренс маңындағы аудандардың бірінде белгісіз біреулер оқ жаудырып, салдарынан бір наразылық білдіруші қаза тауып, бірнеше адам жараланған.
Елде жоғары инфляция мен ұлттық валютаның құнсыздануы көшедегі бандылар арасындағы қақтығыстарға әкелді. Бірнеше жүздеген адамның қайтыс болғаны белгілі.
Біріккен Ұлттар Ұйымының бағалауынша, 4,9 миллион гаитилік, яғни халықтың 40 пайыздан астамы қазіргі уақытта гуманитарлық қолдауға мұқтаж. Ағымдағы жылы бұл елге 373 миллион доллар көлемінде халықаралық гуманитарлық көмек көрсету жоспары қазіргі уақытта небәрі 14% ғана қаржыландырылған.
Республикадағы жағдайдың 2021 жылдың 7 шілдесіне қараған түні президент Джовенел Мойзенің өлтірілуінен, сондай-ақ сол жылдың тамызында болған жер сілкінісінен кейін нашарлағаны атап өтілді. Табиғат апатынан 2,2 мыңнан астам адам зардап шекті.