Демалыс күндері Қазақстанда 40 градусқа дейін ыстық болады

Синоптиктер Қазақстанда 2022 жылдың 3-5 қыркүйек күндеріне арналған ауа райы болжамын ұсынды. Еліміздің солтүстігінде күн суытып, оңтүстігінде аптап ыстық болады, деп хабарлайды Zakon.kz.

Алдағы күндері Қазақстан Республикасының батыс, солтүстік-батыс және солтүстік облыстарында күн суытады.

Елдің оңтүстік жартысы құрғақ және ыстық ауа райы аймағында сақталады. «Қазгидромет» РМК

• Батыста түнде +10...+18-ден +8...+16°С-қа дейін, күндіз +23...+31-ден +17...+25°С-қа дейін,

• солтүстік-батыста түнде +15...+23-тен +10...+18°С, күндіз +27...+35-тен +21...+28°С,

• республиканың солтүстігінде түнде +15...+23-тен +8...+16 °С-қа дейін, күндіз +25...+35-тен +17...+25°С-қа дейін,

• республика орталығында түнде +10...+22°С, күндіз +30...+38°С,

• Республиканың шығысында ауа температурасы түнде +4...+15-тен +10...+18°С, күндіз +22...+27-ден +30...+38°С-қа дейін көтеріледі. ,

• республиканың оңтүстігі мен оңтүстік-шығысында негізгі фон температурасы түнде +15...+25°С, күндіз +30...+40°С.