Аргентина құрамасы Лусаилдағы "Лусаил Айконик" стадионында өткен кездесуде қарсыласы Хорватия командасын 3:0 есебімен жеңді.
Аргентиналықтардың бірінші таймдағы алғашқы голын Лионель Месси пенальти арқылы (34') соқты. Осылайша, Месси карьерасында екінші рет әлем чемпионатының финалына шығып отыр. Одан кейінгі екі голды Хулиан Альварес соқты (39',69').
Айта кетейік, Аргентина құрамасы финалда 15 желтоқсандағы (Қазақстан уақыты бойынша) Франция мен Марокко матчының жеңімпазымен ойнайды. Финалдың өзі жексенбі күні, 18 желтоқсанда өтеді.