Сыбайлас жемқорлыққа қарсы қызметтің мәліметінше, зардап шеккендерге келтірілген шығын көлемі 6,6 миллиард теңгеден асады.
"Биыл15 желтоқсанда қылмыстық іс айыптау актісімен бірге күдіктілерді сотқа тарту мәселесін шешу үшін прокуратураға жіберілді", - делінген хабарламада.
Ведомстводағылар нысан құрылысына бөлінген бюджет қаражатын жымқырды деп оның бақылауындағы "Ария-Жаңа Астана" ЖШС компаниясының басшылығы Гүлмира Сатыбалды мен мемлекеттік органдардың лауазымды тұлғалары да күдікке ілінгенін түсіндірді.
"Тергеу сатысында мемлекетке келтірілген залал толығымен өтелді. Бұл факті бойынша да сотқа дейінгі тергеп-тексеру аяқталып, іс күдіктілер мен олардың қорғаушыларына тексеруге жіберілді", - делінген хабарламада.
Сыбайлас жемқорлыққа қарсы қызмет Гүлмира Сатыбалдыға қатысты "бизнесті басып алу және заңсыз бас бостандығынан айырудың басқа эпизодтары бойынша тергеу жалғасып жатқанын" жеткізді.