Министрліктер мен ведомстволар басшыларының орынбасарларының саны 207-ден 144-ке қысқарды. Алдын ала болжам бойынша, қысқарту аясында 703 көлік пен 10 ғимарат босайды. Бұл туралы Gazeta.uz жазды.
Осы шаралардың нәтижесінде штат санын қысқарту есебінен 1,5 триллион сум (61,5 миллиард теңге) бюджет қаражатын, сонымен қатар штат саны мен автомобильдерді қысқарту есебінен 70 миллиард сумды (2,8 миллиард теңге) үнемдеу болжанды.
Министрліктер мен ведомстволар қызметкерлерінің жалпы саны - 56 573 штат. Министрліктердің бюджеттен тыс қаражаты есебінен басшы персоналдың қосымша штат бірліктерін енгізуге тыйым салынады.
Мемлекеттік қызметті дамыту агенттігі басшысының бірінші орынбасары Отабек Хасанов бұған дейін Өзбекстанда 61 министрлік пен ведомствода, 208 әкімдікте мемлекеттік қызметкерлер саны 118 мың адам болғанын, оның 55-60%-ы республикалық ұйымдарда жұмыс істейтінін айтты.
Бос қаражатты әлеуметтік мәселелерді шешуге бағыттау жоспарланып отыр.