Қазақстанның бірінші, әлемнің 4-ракеткасы Елена Рыбакина әуелі іріктеу кезеңдерінен сәтті өткен (квалифайер) немесе іріктеу кезеңінің соңғы кездесуінде жеңілген теннисшімен (лаки-лузер) кездеседі.
Юлия Путинцева бірінші айналымда бельгиялық Марина Заневскаямен (88-ракетка) ойнайды.
Ал ерлер арасында Александр Бублик те алғашқы раундта Елена Рыбакина сияқты квалифайермен немесе лаки-лузермен ойнайды.
Ертең "Ролан Гарростың" іріктеу сайысының финалында ойнайтын қазақстандық теннисші Тимофей Скатовтың да негізгі турнирге жолдама алуына мүмкіндік бар. Ол бразилиялық Фелипе Мелигени Родригес Алвеспен (165-ракетка) кездеседі. Бұған дейін қазақстандық теннисші іріктеу сайысының алғашқы екі матчында жеңіске жетті.