12 наурызда Түркіменстанда кезектен тыс президенттік сайлау басталды, 2 577 сайлау учаскесінде дауыс беру процесі Нұр-Сұлтан уақытымен 20:00-ге дейін жалғасады, деп хабарлайды РИА Новости .
Түркіменстанның шет елдердегі дипломатиялық және консулдық мекемелерінің жанынан ашылған 41 сайлау учаскесінде де дауыс беріліп жатыр.
Президент лауазымынан тоғыз кандидат үміткер. Түркіменстанның заңнамасында сайлаушылардың қатысу шегі белгіленбеген, сондықтан сайлау кез-келген жағдайда да өтті деп танылады.
Алғашқы тіркелген кандидат - қазіргі президент Гурбангулы Бердімұхамедовтың ұлы.
Сердар Бердімұхамедов Түркіменстан Демократиялық партиясы атынан сайлауға түсіп жатыр. 2021 жылдың 11 ақпанынан бастап 40 жастағы Сердар вице премьер-министр қызметін атқарып келеді.