АҚШ Киевке қысым жасауға ниетті емес, Түркия С-400-ді Украинаға бермейтін болды

Польша премьер-министрі Матеуш Моравецкий Германия, Австрия және Венгрия Ресеймен арадағы сауда-саттық қатынастарды үзуге қарсы болып жатқанын айтты, деп хабарлайды Zakon.kz.

• Түркия Ресейге қарсы санкцияларға қосылмайды, өйткені "өз азаматтарының ресейлік газсыз тоңып қалуына жол бере алмайды" және С-400 әуе қорғаныс кешендерін Украинаға бермейді, - деді президент Ердоған.

• Польша премьері: Германия, Австрия және Венгрия Ресеймен арадағы сауда-саттық қатынастарды үзуге қарсы.

• Ресейдің Бірінші арнасының бұрынғы қызметкері Овсянниковқа қатысты Қарулы Күштердің беделін түсіргені үшін жаңа хаттама толтырылды.

• Ресей мен Украина келіссөздерде екінші кезектегі мәселелер бойынша ұстанымдарда өзара сөз табысуда, бірақ басты саяси мәселелер бойынша іс бір орнында тұралап тұр – Ресей Федерациясы Президентінің көмекшісі Мединский.

• Америка президентінің ұлттық қауіпсіздік жөніндегі көмекшісі Джейк Салливан АҚШ Ресей Федерациясымен қандай да бір келісімдерге баруы үшін Киевке қысым жасауға ниетті емес екенін айтты.

• РФ Қарулы Күштері Украинадағы операция кезінде 1351 әскери қызметшісінен айырылды, 3825 адам жарақат алды, деп хабарлады РФ Қорғаныс министрлігі.

• Франция мен Мексика 29 наурызда Украинадағы гуманитарлық жағдай бойынша БҰҰ Қауіпсіздік кеңесінің отырысын өткізуді сұрады.